Chongchit ka lehkmen Christmas da ki Balang wa em ha Jowai

Ka lehkmen Christmas da ki Balang wa em ha Jowai da man ko kawa yoo chongkun wei chongchit ynne ka sngi deiwa mih da ki hajar ngut wow lehkmen deiwa lai chaad Carol hadien wa kut i pynman yaseiñ.

Ki Balang wa em ha Jowai kam ka Balang Presbyterian Jowai, Balang Presbyterian Thadlaboh, Balang Mynthong, Balang Khimusniang, Balang CNI wa Balang Catholic Jowai da mih ki deilang jar jiar ki kari wa kit ya ki tanghæng kiwa tem ya ki sur Christmas deiwa boodlang ki bru wa kynthih wa chaad wa ya rwailang chirup chirup.

Ka lai chaad Christmas da sdang ko nadooh i por janmiet wei da pteiñ hadooh wa sepsngi deiwa lai uiñ kyllieñ ki dong ki chnat ka chnong Jowai wei da pynkut hadooh wa miet.

Ka sngi Christmas da man ko leh kam ka sngi wow yachemlok khamtam wa kitu kiwa liwan chuti kiwa lai puræ wei kiwa kreh jngai na yung.

Ki yung ki sem leh man ki kiwa chit deiwa ya lai dih cha Christmas da ki lok ki jor, ki jan yung jan sem deilang kiwa emyatoh.

Neiliang i waroh ha Wyrta leh chim i ya kani ka laad wow e khubei Christmas wasuk wakmen ya phi waroh.