Ki bor pynlai ya ka Sports Social Educational and Cultural Club yong ka dong Lumbhahdakha, Wahiajer da pynkut noh ki ya ka Sports Week yong ka kawa da sdang nadooh ka 7 tarik hadoh ka 12 tarik uni u bnai heiwa u Paya Dhar da man u kam u kongsan hei emlang kiwa kitkaam ka dong wa ki dkhot ka Executive Committee yong ka dong Lumbhahdakha Sport Social Educational and Cultural Club (LSSECC).
U Paya Dhar hawa e u yei klam da pynsñiaw u yei sñiawngooh wa i yaroh ya ki dkhot thymme ka Executive Committee kiwa da chimkhia wow leh chiboon ki kaam neibynta i miat i bha wa i lai bait lai ryntih ki kaam ka Club.
Da tyrwa u leh ya ki kyntien sneiñ wow kyntu ya ki khon yong ka dong wow man ki kiwa kreh chitom wei wym hoi u yaam rem ki lada man ki ki warem hei yalehke.
Neiliang u Samson Lamare uwa man kam u Ex-Secretary yong ka dong, da sneiñ u ya ki khynnah yalehke wow im sngi ki ha ki kaam Sports khnang wow lait ki na ki kaam wa sih.
U E.S. Kharngi uwa man kam u General Secretary yong ka dong da e u i yaroh ya ki dkhot ka Executive Committee wa thymme yong ka Club wada ye ki u pynman ya kani ka tayaw Sport Week hapoh i pynlai u Winstone Mukhim, Secretary Sport Club Lumbhahdakha.
Da ong u wa ha ki snem wa dadep yoo kam u wiar noh ka Club, tangwa ha u ni u snem 2020 da khai im biang ko neidaw wada yoh ya ki kiwa kitkaam wa thymme kiwa stat wei kiwa chynna jngai yei bha yei miat ka Club.
Ki khon yong ka dong Lumbhahdakha Sport Social Educational and Cultural Club (LSSECC), kam chibynta u pynphooh pynphieñ ya kani ka tayaw da yachimbynta ki wow pynyoo jar jiar ki sap yong ki lyngba ki Sports ki waphær waphær kam ha ka Football, Cricket, 100 & 200 Meter Race, High Jump wa Long Jump, Chess, Carrom Board, Draughts, Arm Wrestling wa Ludo.
Ya ki Prize da saam cha waroh kiwa jop ha ki yakob da u Samson Lamare, u Reform Lamare, u Phrang Mukhim, u Dr. James Rymbai wa ki dkhot ka dong.
Khaddooh ka LSSECC da a khublei ko ya ki In-charge yong ki yalehke waphær waphær kam u Bernard Suchiang, Augustine Mukhim, Graykury War, Elvis Mukhim, Comfort Dhar, Chanmiki War, Franky Shylla, Arwotki Sari, Evergreen Shylla, Sanbor Lamare, Ewonmi-o Dhar, Chalceedoury Dhar, Tennyson Shylla wa u Tyrshain Sari.
Da pyndep leh ya kani ka lympung deiwa bood ryntih ya ki kyndon (Protocols) wa da booh daka sorkar.
Kani toh ka Wyrta na u Batshkem Sumer (Chairman LSSECC) wa u Winstone Mukhim (Secretary LSSECC).
