Ka sorkar jylla da booh thong ko wa ha u Kmaichonglad (Dec) uni u snem wow pynkrehkaam noh ya ka Meghalaya House ha Bengaluru.
Ka sorkar jylla da pyrchang ko wow pynsmat yeini hadien wa da mih i pynsñiaw na ki paidbah yeiwa emkaam palat wow em ka Meghalaya House ha ka jylla Karnataka, kawa jooh tooid bha ki bru na Meghalaya.
Hawa pyntip yeini, u Montri ka chnat puræ puthi ka jylla, u Rakkam A Sangma da ong u wa ka Cabinet ka sorkar jylla da rai ko rap nachwa wow thied yei thaw wow chna Meghalaya House ha Bengaluru wei i kaam da lai ko chaaid chaaid chakhmat kattæ.
Da ong u leh wa ka sorkar dadep ko wow su lut yeiwa emkaam wei hadien wa da pyndep yei kaam daw e kti yow wai noh chisiendon.
Katkam wa ong u Rakkam, ka sorkar u ksoh wei u pynlai ko ya kani ka thaw wei daw wai paidbah ya kani ka yung ha u December uni u snem.
Discussion about this post