Shillong: U montri rangbah ka jylla, u Conrad K Sangma ynne ka sngi da ong u wa ka sorkar dang bichaar ko yei pynbaad u State President ka BJP Meghalaya wa em i kaam baam-tooh ha ki ar tylli ki Autonomous District Council ka jylla wa kynthup ya ka JHADC wa ka GHADC.
Hajrong ini i pynbaad, neiliang u Conrad da kyntait u wa ka sorkar ym em mano ko yeini wei ki phang wa wanrah daw bichaar bniah ya ki.
Hajrong i dawa wow ekti u takit da ka CBI hajrong ini waroh, neiliang u Conrad da ban biang u wa ka sorkar daw rai ko hajrong ini, wei manda dep bichaar daw chim ko ya ka rai wa khaddooh.
Kam wow kdaw heini, neiliang u Ernest Mawrie, u President ka BJP da maham u wow randien u kyrchaan ya ka sorkar MDA ha ka jylla katni wa da yahkhmat da ka NPP lada ym chimkhia ko wow leh yeiwa emkaam hajrong ki kaam baam-tooh hapoh kini ki ar tylli ki Council.
