U Executive Engineer warim ka chnat PWD (Building) uwa da chongngiah da ka Voluntary Retirement Scheme (VRS), u Ransom Sutnga da ong u wa i chongngiah yong oo khlem pu toh i por toh neidaw wa kwah u wow yakhun ya ka Election MLA ha u snem 2023 na North Shillong Constituency.
Da ong u wa daw yakhun ya ka Election na ka National People’s Party (NPP), wei i jied ya ini i kaam boi toh iwa da em i khut, deiwa pynrap wa ini toh i kaam wa eh neibhah chwa wow psiah u cha ka saiñpyrthai da mih boon ki chah pynbaad.
Hawa kylli, da ong u wa ka thong kawa da booh u hakhmat ha kani ka Election toh wow pait neibynta i suk i saaiñ, i chngaaiñ ki paidbah wei kamjooh leh wow kyruiñ cha ki khynroo kani ka Constituency wei wow pynkupbor ya ki manyung wa duna hei yoh i laa.
