15 25.4396136 92.1960997 1 0 4000 1 https://wyrta.com 300 0
theme-sticky-logo-alt
theme-logo-alt

Da 118 Run pyntam ka Sikkim ya ka Meghalaya ha ka sngi nyngkong ka Ranji Trophy

0 Comments
Advertisement ad1
Advertisement ad1
Advertisement ad1

Shillong: Ki 6 ngut kiwa kawang bol ka Meghalaya da pynhaap lut ki ya ki Wickets ka Sikkim kawa kamai 219 Run ha ka First Innings ka yalehke ha ka Ranji Trophy kawa pynman ynne ka sngi ha Bhubaneshwar. Ka Meghalaya hawa jubab ko da kamai ko 101/2, iwa bood da 118 Run.

Ka Meghalaya da jop ko ya ka kylla khlem wei da jied ko wow kawang bol nyngkong, da pynhaap smat ko 5 tylli ki Wicket ka Sikkim chwa ka Lunch Break 81/5, tangwa da kamai ki sa 115 Run khlem haap Wicket.

Uwa bat ka Sikkim u Milind Kumar da kamai u 117 Run na ki 129 bol. Da yarap lang ya oo da u BB Sharma (27 Run) wa u Jahan Uddin (20 Not out), ka Sikkim da kamai ko 219 Run hadien wa haap lut ki Wicket ko.

Kiwa kawang bol ka Meghalaya kiwa da yoh Wicket toh u Gurinder Singh 3/71, Chengkam Sangma 1/10, Raj Biswa 1/14, Mark Ingty 1/15, Dipu Sangma 1/27 wa u Aditya Singhania 1/39.

Kiwa bat ka Meghalaya ha ka First Innings kiwa leh bha toh u Biswa wa u Punit Bisht kiwa da kamai lang 50 Run neibynta ka Wicket wa le yow pynpoi ya ka Meghalaya cha ka 101/2 hadooh wa kut ka yalehke ka sngi nyngkong.

U Biswa da kamai u 48 Run (not out) katwa u Bisht won da kamai u 29 Run (Not out).

Share this:
Previous

Pynskem ka UDP ya kiwa kitkaam ka Jowai North Constituency

Next

Ha ka 5 tarik u Duiatra u sdang ka 2nd Round ka 1st Kyrsoh Lamin Memorial Trophy