Da boon ki VC wa da ye u beh nachwa ym salia u beh ya uni leh: NEHUTA

U President ka North Eastern Hills University Teachers Association (NEHUTA), u Prof. Lakhon Kma da ong u wa ym kwah ki wow leh jhan yow pynkrehkaam ya ka National Education Policy (NEP) ha ka kyrdan Under Graduate.

Ynne ka sngi, ka NEHUTA da pynman ko ya ka yakhih rah Placard yow pyrchah yei rukom pynkrehkaam ya ka NEP neibhah wa da leh jhan wei da dawa ki wow khut da ka yalang ka Academic Council.

U Prof. Kma da ong u wa ngait skem ki wa u Vice Chancellor ka NEHU daw kylla wamut noh u wei lada ym kylla wamut u ha kini ki chiphaw sngi wow wan wei lada ym pynkylla wow pynsangeh chwa yei pynkrehkkaam ya ka NEP, daw lai yakhih biang ha NEHU.

Da ong u wa u VC ka NEHU da leh u ya kani ka skurbah kam ka Company yong u wei ya idæ da chim u kam u CEO tangwa ka NEHU ym toh ka Company wow leh kamni. “Da leh u kam u CEO yong i wei daw leh u katwa ngait ya i tangwa ha NEHU ym ye u leh kamtæ. Ha ka parom ka NEHU, i da jooh beh i boon ki VC wei ym salia u wow beh ya uni leh, i ym randien i wei daw toor chakhmat”, da ong u Prof. Kma.

Related posts

Pynlait ka sorkar Rs. 20 klur cha ka JHADC, sa Rs. 19 klur ha ki tayaaw wow wan

May 21, 2025

Pdiang ka sorkar yei pynche u Sniawbhalang, ki wym hun ye ki wow lai tih chooh: Prestone

May 21, 2025

Da pynbaad u leh wa u VC da pynwiar u leh yei rai yong ka Academic Council kawa 110 kawa ong wym pynkrehkaam ya ka NEP ha 2023-24 tangwa u pynkrehkaam na u 2024-25 tangwa u VC ym em booh Record u yei rai yong kani ka yalang wei da pynwiar syndon u.

“Ini pynyoo wa em iyi iyi cha lyndet wei da dung u nadien ya ka Academic Council tangwa hadien kattu katni sngi da ong u wa da rai wow pynkrehkaam ya ka NEP ha uni u snem wei da kwah u wow leh jhan wow pynyoo cha Delhi hanla chong hi-eh u ha kini ki ar snem wa da lai”, da pynbaad u Prof. Kma.

U Prof. Kma da ong u wa i daw man ko yow pynkrehkaam ya ka NEP 2024-25 ymtoh wow leh jhan. 

Heijooh i por, ka Meghalaya College Teachers Association leh da ya chimbynta lang ko ha kani ka yakhih ka NEHUTA. Heiwa u General Secretary ka MCTA, u Airpeace Rani da pynbaad u wa uni u VC da man u kam ka pooh chiloom uwa da kyntoor wei da thom naphang khlem da lai katkam ki luti.

Da pynbaad u wa uni u VC da man u kam u dieñ chynthut ya kiwa sikai heithaw wow man kam ka luti wow pyndooh pyndam yei eh tangwa ym bien u wow ap yei eh wei i dawa ka NEHUTA waka MCTA. “Ka sorkar jylla ym ye ko wow chong paitke neibhah i leh u VC ka NEHU daw ktah ko ya ka mynried ki khynroo khyllod kiwa lai puræ”, da ong u Airpeace.