U montri ka sorkar pyrdi wa pait ya ka Commerce and Industry, u Piyush Goyal, da pyntip u wa ki tiar sumaar wa ki tiar yada kam ki PPE Coveralls, 2/3 Ply Masks, Face Shield, Sanitizer (lait na kiwa challan ya ki Container wa em wa ki Dispenser Pump), Hydroxychloroquine API wa i rukom chna ya ini i dawai namo Formulation, 13 tylli ki Pharmaceutical APIs wa i rukom chna ya ki (Formulations) wa ki Ventilator da chah biang u challan (Export) ya ki, katwa i challan ya ki Diagnostic Kits, N-95/FFP2 Mask dang khang ya ki wei u chah toh katkam ka Monthly Quota donhi.
I daw wa da khang wow challan ya kini ki tiar wa ki dawai toh wow pyndap chwa yei emkaam hapoh ka ri neibhah kini toh kiwa yarap wow yakhun ya u COVID-19. Da chah biang wow challan ya ki toh chong i hajrong i chim yukheiñ neipor cheipor, katkam i emkaam hapoh ka ri, i rukom pynmih næ chna ya ki katwa kiwa tam won da ye u challan ya ki cha baar ri.
Chwa ka 20 Wisu (March), 2020, i emkaam ya ki PPE Coveralls toh du deiwa thied ya ki na baar ri neidaw wa duna i chna ya ki hapoh ka ri khnang wow yakhun ya u COVID-19.
Da chah biang wow challan ya ki PPE Coveralls toh hadien wa da pynmih ya ki hadooh 1.5 klur tylli ha ka chi bnai. I em ki Alcohol Based Hand Sanitizers da jooh man i du 10 lakh litre chi snem wei katni won da ku i cha ka 38 lakh litre chi sngi, kamtæ da sdang pynyinsur biang ya ki kyndon wow challan ya ki.
I chna Ventilator hadpoh ka ri, duna bha i hadooh chwa u Duyatra (January) 2020, tangwa katni da ye u chna boon tylli ki Ventilator hapoh ka ri.
