U Kwis Sumer uwa na chnong Muktapur, West Jaiñtia Hills District, uwa da wiar nadooh ka 13 tarik u July hawa lai luti u cha Bengaluru, Karnataka yow lai thooh kreh, da ye wow chem wei wanrah biang oo cha Meghalaya ynne hadien ar tayaaw i thooh wa joor bha da ki pulit ka Meghalaya wa Karnataka deilang i yarap kiwi kiwa boon.
Yeini wa wiar u Kwis da pyntip cha ka sorkar Meghalaya deiwa phah dorkhat ha ka 27 tarik u July heiwa u Montri Rangbah, u Conrad Sangma da chimkhia u yeini deiwa yaklam wa ki bor sorkar ka Karnataka kiwa da chimkhia wow thooh ya u Kwis.
Ki pulit ka Meghalaya hei yahkhmat u Lovish Garg, IPS, da lai ki cha Bengaluru deiwa emlang ki kur ki jait u Kwis deiwa ya krehlang wa ki pulit ka Karnataka State Police, wa kynthup ya u DGP & IGP, DIG(A), u Iada Martin Marbaniang, IPS chirup wa u SP na katai ka jylla da sdang ki wow booddien yei lai luti u Kwis yow tip ha iwon i bynta wow thooh oo.
Ha ini i por, u Kwis da pyrchang u wow pynemkaam da ki Social Media yow kynjoh ktien cha kiwa ha-yung ha-sem u deiwa yarap u bru wa tip kam u Kavi Kumar, uwa da e thaw sah wei e yarap ya oo ha kini ki por, wei deiwa tip yeini, ki pulit ka Meghalaya wa ki pulit ka Karnataka da ye ki wow chem biang ya uni uwa wiar.
Ya u Kwis da chem oo ha iwi i chnong wa tip kam i Tiptur wa em hapoh ka Tumkur District wei da chimkti ya oo da ki bor sorkar kiwa da pynbiang yeiwa emkaam yow pynpoi biang oo cha Meghalaya heiwa kattæ da em u wa kiwa ha-yung ha-sem u.
Ha Shillong da pdiang sñiawbha ya u Kwis da kiwa ha-yung ha-sem u wei daw liwan ki cha Muktapur.
U Kwis da pynsñiaw u yei sñiawngooh ya u Conrad yeiwa chimkhia u wow pynpoi biang oo cha yung.
Da yarap leh da u Dr. D. Rockyer L. Nonglait, uwa da kynjoh ktien nyngkong cha u Conrad yeini wa wiar wei da e khublei leh ya u Kavi Kumar uwa da sbun mynsien wow e thaw sah thaw dem ya u Kwis kamjooh ki pulit ka Karnataka kiwa da yarap wow thooh.
Puræ leh: Wiar uwa na Muktapur heipor lai thooh kreh cha Karnataka
Discussion about this post