Kam chibynta i lehkmen ya ka 79th Independence Day 2026, neiliang ka NPYF Women’s Wing 2- Jowai Constituency ha ka 14 tarik uni u bnai daw pynman ko yei yakob phet Marathon wa tip kam ka Develop India Marathon 2026 hajrong ka phang “Run for honouring freedom inspiring the future”.
Kiwa ye u chimbynta ha kani ka yakob toh kiwa napoh ka 2-Jowai Constituency kiwa da em palat 18 snem chaneiñ. Wei daw sam 6 tylli ki Prize cha kiwa chimbynta, kiwa yoh 1st Place-Rs.7000, 2nd Place-Rs. 5000, 3rd Place-Rs. 3500 neitæ kiwa yoh 4th, 5th wa 6th Place won mar Rs. 1000 samen.
Daw em leh ka Special Prize neibynta kiwa heh rta dooh kynthai wa chynrang.
Kiwon kiwon kiwa kwah u chimbynta toh u poi ki heipor 5:00 waje i step ha Kiang Nangbah Stadium Jowai deiwa rahlang ki EPIC wa Aadhaar card.
Ka Marathon u sdang ko na Kiang Nangbah Stadium deiwa phet lyngba ka Salini Colony yow mih cha GHM Guest House, yingkieñ Myntdu neitæ lyngba ka Jowai Bypass na Chahtngit yow mih won cha Stand War, DC Office, Gate Laban, New Hill, Ladthadlaboh wei pynkut ha Kiang Nangbah Stadium hi.
Neibynta u tip bniah ye leh u Phone ha kini ki Number-7005984477 wa 8837219020.
Discussion about this post