Ka Jaiñtia National Council Sumer Circle ynne da e dorkat ko ha ka MLA ka thaaiñ, ka Santa Mary Shylla hajrong i joor sih u sarok Samasi cha Pala.
Ka seiñ da ong ko wa kiwa chong chnong da hap maad ki chiboon i eh i chitom nei sih ki sarok nadooh kiwi ki sarok khian leh kamjooh uni u sarok heh hadooh wa da poi chei mynsoo hawa lai wa wan.
Da ong leh i wym em biang chna dooid ha rood sarok da pynchlai um ya u sarok heipor wa slap wei ka um leh da neh ko waroh chi snem neidaw wa kset ki dooid hadooh wa da chem chitom kiwa lai skur wa tieñ ya haap ya oor wot ki kari leh da chem chitom ki wow lai na uni u sarok.
Ki Ambulance leh da slem ki wow poi thaw neidaw wa joor sih ki sarok wei kiwa chong chnong leh neipor cheipor da lai ood ki yeini cha ki bor wa toh u pait tangwa ym em leh iyi iyi.
Kamtæ ka seiñ da dawa ko wow pynchna smat ya uni u sarok na Samasi cha Pala yow lait ki paidbah nei chitom wei wow lai rah ka MLA ya ini i kaam cha ki bor wa toh u pait ya ini.
Discussion about this post