U IG ki chipai BSF Meghalaya Frontier, u HS Dhillon da kular u wym jia de i chah pyndik ya kiwa chong chnong ha khappood India-Bangladesh, wei da khana u leh wa ya i huri hura wa da mih haka 11 tarik da dep pynbait pynsñiawthooh yumut.
Ynne ka sngi neiliang u Symbood Montri Rangbah ka jylla wa pait yei Kaam Pohyung, u Prestone da khut u ya ki heh yong ki chipai Border Security Force (BSF) wow yaklam hajrong iwa jia chah thmobor u Doctor ka chnat ri mrad, u Dr. Seiboklang Buam ha ki chipai BSF ha khappood wa em ha thaaiñ Muktapur, West Jaiñtia Hills.
Hawa klam wa kiwa thoh khubor, u Dhillon da ong u wa ya i kynrum kynran da dep wow pynbait wei yasuk ynnin ka sngi ha yung krehkaam u SDO ka Amlarem Sub-Division deiwa emlang u Dr. Buam, ki waheh chnong, ki seiñbhalang wa ki pulit.
Hawa yatoh wa i maham yong ki BSF wow siat yap ya u Doctor, da ong u wa da thung da ka dhab wow takit hajrong ini i pynbaad, deiwa pyrkhat leh yei long i man ha katai ka thaw.
Discussion about this post