Pynlait ka Qatar ya 8 ngut ki nong India kiwa da dep rai ko wow pynyap

Iwa man i jop yaka India wow karbar ri heiwa da ye u pynlait ya 8 ngut ki nong India nei chah pynyap hapoh ka ri Qatar heiwa 7 ngut na kini ki 8 ngut da yoh ki wow liwan cha India ynnin ka sngi katkam wa pyntip da ka Ministry of External Affairs.

Ka Ministry da pyntip ko wa sorkar India da pdiang sñiawbha ko ya kini ki 8 ngut kiwa kreh yaka Dahra Global Company kiwa da chem kem ha Qatar wei da e khublei ki leh ya u Amir ka Qatar yeiwa pynlait wei da chah u wow liwan yung ki.

7 ngut na kini ki 8 ngut toh kiwa jooh man kam ki chipai ka Indian Navy 20 snem wei da man ki leh kiwa da chong ngiah: U Captain Navtej Singh Gill, Captain Saurabh Vasisht, Commander Purnendu Tiwari, Captain Birendra Kumar Verma, Commander Sugunakar Pakala, Commander Sanjeev Gupta, Commander Amit Nagpal wa uwi won uwa tip kam u Sailor Ragesh. Kini toh kiwa kreh ha kawi ka Company ki bru samen wa tip kam ka Dahra Global Company.

Kini kiwa jooh man kam ki sahep ka Navy da chah kem ki ha Qatar nadooh u snem 2022 heiwa da chah pynbaad ki wa da wan ki wow tooh yei stat namo man ki kam ki Spy ka India yow tip chaphang ki Submarine ka Qatar heiwa kini da kreh ki wow pynyoo kammon krehkaam ya ki Italian U212 Stealth Submarine kiwa da wanrah neibynta ka Qatari Emiri Naval Force.

Related posts

Hapoh dorbar ym lait ki tang u ang tangwa cha lait pynheh ki kam ki rem dorbar pynksan cha baar, ong u Titos ya ka EC ka VPP

June 26, 2025

Wanrah i ka mang tangka kawa boon dei yoh yei lut | Da pyndam leh ya ki Committee wa pynlut phut: VPP

June 24, 2025

Kini da chah kem ki haka 30-08-22 deiwa suba wa man ki kam ki Spy ka India neibhah wa jooh man ki kam ki chipai Navy.

Hadien ini ha u Naichiphaw, 2022 da kem leh ya u CEO ka Dahra Global hawa wan u chakhmat yow dawa pynlait ya kini ki 8 ngut kiwa kreh ya oo tangwa hadien won da pynlait ya oo deiwa yoh jamin u.

Kini ki nong India da chah bichaar ki leh katkam ki aiñ ka ri Qatar ha u Wisu (Mar), 2023 katwa ka Dahra Global da hap khang noh ko ya ki yung krehkaam ko wa em ha nongbah Doha heiwa kiwa kreh ko kiwa boon toh kiwa na India da hap liwan yung ki.

Haka 26-10-23 da rai pynrem ya kini ki 8 ngut deiwa phah pynyap ki tangwa ha u bnai wa bood da kyrpaad ka India pyrchah yeini wei da pyndam yaka hukum pynyap.

Haka 01-12-23 da yachem u PM Modi wa u Qatar Emir Sheikh Tamim Bin Hamad Al Thani ha Dubai yow pynlait noh ya kini kiwa chah kem.