Ka Directorate of School Education & Literacy lyngba u Director, ynne da pynmih hukum wa neidaw wa daw joor u slap da pynmih ki kyndon neibynta waroh ki skur hapoh ka Meghalaya wa hap ki wow bood yow man chngaaiñ ki khynnah skur kamjooh deilang kiwa kreh wa kiwa sikai.
Da phah ya ki DC wow chim ki ya ka rai katkam wa yoo biang ki lada toh u phah khang ya ki skur. Lada em ki skur wa em chajan ki wah, ki nan wa kiwi ki jait um, kini hap u khang ki yow lait u jia iwon iwon.
Ym toh u chah u mih ki khynnah cha lait ka skur heipor wa man skur lait na wa emkaam ki u lai paikhana wei toh u lai ki deilang wa kiwi tangwa ymtoh chiboon ngut. Hap ki leh u rah satri wei wow sap ya ki Raincoat manda lai paikhana ki.
Ym toh leh u chah ya ki khynnah wow yieñ ki ha tre ki dieñ, ki chrot bordiñ yow lait u jia iwon iwon wa sñiawsih.
Ki bei ki pa wa wan li thooh skur ya ki khynnah toh u e thaw rieh ki yow lait na iwon iwon i maa.
Lada em ki khynnah wa jhieh neidaw wa slap, toh u e laad u liwan ki deiwa phah li thooh ki ha ki bei ki pa yow lait ki u yoh kjut.
Ym toh u chah wow mih kyndeh-ke ki khynnah cha lait heipor wa baam ja sngi kam ha kini ki por wa joor slap.
Lada jia iwon iwon, ki State Emergency Number toh 112 wa 1070, ki District Emergency Number toh 1077 lait noh ya ka North Garo Hills iwa 9863468868.
Discussion about this post