U Montri ka chnat Social Welfare wa Revenue & Disaster Management Department, u Kyrmen Shylla chirup wa u Deputy Commissioner ka East Jaiñtia Hills District, u A. Baranwal ynne ka sngi da e yarap ki cha ki bru wa chah ktah ha i bor ka rymaw hapoh East Jaiñtia Hills District ha ka yalang wa da pynman ha Conference Room ka yung krehkaam u Deputy Commissioner.
U Kyrmen Shylla hawa e yei klam da ong u wa ka poisa yarap namo ka Disaster Relief Fund toh kawa saam cha ki bru wa chah ktah ha i bor ka rymaw katkam ki kyndon ka National Disaster Response Fund (NDRF) wa State Disaster Response Fund (SDRF).
Da yaroh u ya u Deputy Commissioner, ki sahep wa kiwa kreh ka District Disaster Management Authority kiwa smat wow lai e yarap heipor wa jia wei kiwa e yarap cha ki manyung wa chah ktah la ha i diñ, chlai um, i oor khyndaw wa kiwi kiwi.
U A. Baranwal da ong u wa ka District Administration da pyrchang ko katwa ye wow e yarap smat cha ki bru wa chah ktah ha i bor ka rymaw. Da pyntip u wa ha kani ka yalang da saam hadooh T. 17,48,924 cha ki 58 ngut wa chah ktah hapoh ka District.
Ha kani ka sngi da emlang u S.S. Syiemlieh, Addl. Deputy Commissioner, u J. Shylla, Addl. Deputy Commissioner, wa u Dr. T. Shylla, Block Development Officer, Wapung C&RD Block wa kiwi kiwi.
