U MLA warim ka Sohiong uwa man leh u Montri ka sorkar warim, u HDR Lyngdoh da phla u wa em i sñiawthooh bakla ha ka yung ka sem iwa pynman ya oo wow rem u ha ka Election MLA ha u snem 2018.
Ya ini u HDR u da klam paidbah u ha ka yalang wa man ha Sohïong, ryngkat kiwa ha yung wa kiwa kyrchaan heiwa da psiah u cha ka United Democratic Party.
Da ong u wa ha kitu ki por ka diah khaddooh wa u pyrsa tre da yaleh pyrchah ki ya oo wei ini toh i daw wa da chah pynrem u.
Da ong u leh wa hadien ini da em i kyrpaad na kiwa boon wow wanrah biang ya i sñiawthooh biang ha ka yung ka sem.
Ha kani ka sngi u HDR da psiah u cha ka UDP wow pynkhreh ya ka Election MLA 2023, da emlang leh ka diah sdiah kawa da joo umkhmat ha kani ka sngi, u pyrsa wa kiwi kiwa ha yung kiwa da yieñ lang ha ka jooh ka rynsaan wow sakhi ka pyrthai wa kam ka yung yatylli ki iwi, wei yieñ ki neibynta ki paidbah.
