theme-sticky-logo-alt
theme-logo-alt
Advertisement ad1

Da em chwa i pynbait nadooh wa sdang wow yabhah yei man Montri ki MLA ka BJP: Conrad

Advertisement ad1
Advertisement ad1

Ynne da pynkylla ya ki Montri ka sorkar MDA heiwa u Montri ka chnat i chait i khiah u Alexander Laloo Hek da pyndooh yei kyrdan u kam u Montri deiwa e cha u MLA ka South Shillong, u Sanbor Shullai.

Ya u Sanbor da pynbaam smai leh pyn ynne hi ka sngi da u Lat ka jylla u Satya Pal Malik ha Raj Bhavan heipor janmiet.

Advertisement ad1

Ya i baam smai da wan wow sakhi da u Montri Rangbha ka jylla, u Conrad Sangma, u Symbood Montri Rangbah u Prestone Tynsong, u Montri Kaam Pohyung u Lahkmen Rymbui, u Montri ka chnat Bordiñ u James Sangma wa kiwi de.

U Conrad hawa yaklam wa ki laad pathai khubor, da ong u wa heipor wa thung Montri nyngkong ha u 2018, ka BJP da em ko i ya sñiawthooh wa u Hek wa u Shullai daw yabhah ki ya ka chuki mar ar snem chiteiñ.

Da ong u wa ya ini da mynjur hakhmat ki heh ka BJP kam u Alphons Kannanthanam, uwa heitu i por uwa pait ya ka Meghalaya, u Nalin Kohli wa u State Unit President warim u Shibun Lyngdoh wa u Himanta Biswa Sarma.

U Conrad da pynche u leh wa ka ar snem chiteiñ da kut ko ynnin u snem, wei u President ka Party ha Meghalaya heitu i por toh u Ernest Mawrie, uwa ymem tip ya ini ya sñiawthooh.

“Neidaw wa u Ernest Mawrie wym em u ha kani ka yalang ha u 2018, kamtæ da em i yalait hei ya sñiawthooh. Nga ym em kwah O wow tuklar ha ki kaam ka Party, kamtæ da ieh O wow chim ka Party yei rai kammom wow lai ki chakhmat heiwa heitu i por ym em chim ki ya ka rai,” da ong u Conrad.

U Conrad da ong leh wa u Sanbor Shullai da ban u hajrong ini da boonsien wa ka Party BJP, wa toh u thung ya oo kam u Montri katkam wa da yakut ha u 2018.

“Kamtæ da yoh O ya ka chithi na u President ka State Unit ka BJP kawa da kdaw yeiwa da yaklam ha u 2018 kawa da tyrwa leh wow thung ya u Shullai kam u Montri, wei hajrong ini da lai i chakhmat wei da pyndep ya ka pynsmai,” da ong u Montri Rangbah.

Hawa kylli lada daw em chooh kini ki jooh ki kylliang Montri heiyatoh wa ka United Democratic Party (UDP) wa ka People’s Democratic Front (PDF), da ong u wa ym em i rukom pynbait hakhmat yong oo wei ym ye u wow ong iyi iyi leh.

Hawa kylli na u Sanbor wa ynnin u snem da mynjur u wow chah ya u Hek wow pyndep pura u ya ka samoi kam u Montri, u Sanbor da ong u,”I toh ka National Party wei katwa phah ki heh dooh ka Party, hap i wow leh wei wow burom leh.”

Share this:
Previous

Da chah wow wai biang ki dukan dai tim, ki yaw, ki Gym wa kiwi kiwi ha East Jaiñtia

Next

E yarap ka Ephphatha Society cha ki 35 ngut kiwa emkaam ya i yarap wa kyrpang