Ynne ka sngi, ka Seiñraij Jowai da lehwarom ko ya ka lyngkhooh snem sngi yap wa 163 snem u Kiang Nangbah ha Myngkoi Pyrdi, Loompyrdi Iongpiah heiwa u Minister ka Arts & Culture Department ka jylla, u Sanbor Shullai da man u kam u kongsan.
Chwa ka yalang da em i booh syntu ha u Mot u Kiang Nangbah ha Loom Mooliksoo wei ha ka yalang da yoh i kyntien pdiang burom na u Hercules Toi, u President ka Seiñraij Jowai.
Da yoh ki kyntien Ngooh Blai na u Raymond Nartiang kam u Pator ka Raij Jowai wei i klam na u Puramon Kynjing, u Dolloi ka Elaka Jowai.
U Sanbor Shullai, hawa e i klam da ong u wa kynmoo u ya u (T) Kambel Chullai uwa da yoh naam hapoh Assembly uwa da tip leh kam u Scientist ka jaitbru Jaiñtia.
Da ong u wa iwon iwon i tyrwa na ki seiñ næ ki bru samen neiliang yong oo man iwa smat wow pdiang ya ki.
Chooh chooh da kynmoo u ha ki snem wa dadep wa da lai sylli ya i thaw hakhmat ka Gate ka Kiang Nangbah Government College wow tip kam ka Kiang Nangbah Square ha i thaw wow heh 20,000 sqft iwa man i thaw yong ka Transport Department wei i tyrwa (Proposal) wow leh yeini da em i ha ka sorkar.
Da ong u wa emkaam bha wow pynchlur ya ki khon wow klam ki dei ktien Pnar hanla em cheiwon cheiwon leh deiwa kyntu wow em i burom ya kiwi tawon.
Ha kani ka sngi da pynkup burom leh ya kiwa chakri niam kiwa da kreh palat 25 snem hapoh ka Raij Jowai kamjooh da saam ya ki khusnaam cha kiwa jop ha ki yakob waphær waphær ha ki sngi wa dadep.
Da yoh leh i rwai na ka Dorbar Chnong Loompyrdi Iongpiah wa ki kyntien khublei na u Arwotki Sumer, General Secretary ka Seiñraij Jowai.
Discussion about this post