Ka Prime Minister warim ka Bangladesh, ka Begum Khaleda Zia da khlaad noh ko ynne ka sngi ha Evercare Hospital ka nongbah Dhaka ha i rta wa 80 snem.
Ka Khaleda toh ka Chairperson ka Bangladesh Nationalist Party (BNP) wei da riñ mynsien khaddooh ko ynne i step heipor 6:00 waje.
Da em ko hapoh i chah sumaar la 36 sngi heiwa da em chitom ko ha u klong snaam wa kiwi de.
Ka Khaleda da man ko ka Prime Minister kynthai wa nyngkong ka Bangladesh wei kam ka Prime Minister kynthai wa ar ha ki ri Muslim ka pyrthai hadien ka Benazir Bhutto.
Neiliang u Prime Minister ka ri, u Narendra Modi leh da phah u ya ki kyntien sñiawlem hadien wa khlaad ka Khaleda.
Discussion about this post