U MLA ka HSPDP na Mawkyrwat, u Renikton L Tongkhar da ong u wa da em i yaklam wow psiah noh cha ka UDP neibynta wow yakhun ya ka Election MLA ha u snem 2023, tangwa hadooh katni dang man bait u MLA ka HSPDP wei da ong u wa ka thong hi toh wow pynkhlan ya ki seiñ ri-loom la heiwon iwon i dur.
Da ong u wa i thmu wow pynkhlan ya ki seiñ ri-loom ymtoh kawa dang thymme, wei em i kyrmen neibynta ki paidbah. Hawa kylli, da ong u wa lada ye wow pynkhlan lut ya waroh ki Party u man iwa bha, tangwa hawa kut boi daw man ki kiwa tlot, deiwa pynrap wa hap ieh ha ki paidbah ha kawon ka Party kwah ki wow pynkhlan.
Hawa kylli chooh chooh, da ong u wa ki daw wym ye wow pynkhlan wei i mih chiboon ki seiñ saiñ pyrthai toh neidaw wa em boon ki seiñ kiwa kwah wow thoohlaad wow man kiwa laitlooid. Da ong u wa emkaam wow em i yaichah kajiak neibhah lada duna næ ym yahaap tang kajiak tæ mih i yathut.
