Ynne ka sngi u montri ka sorkar pyrdi wa pait ya ka chnat Tribal Affairs, u Arjun Munda, da soi u ya ka soskular hapyrdi ka Ministry of Tribal Affairs (MoTA) wa Indian Institute of Public Administration (IIPA), New Delhi wow chna ya ka National Institute of Tribal Research (NITR) ha IIPA Campus, New Delhi.
Kani ka National Institute daw sdang krehkaam noh ko hadien kattu katni bnai wei daw kreh ko hei wow tih bniah ya i rukom im ki jaitbru Ri-loom (Tribal) chirup i krehkaam wa ki chnat sorkar wa kamjooh leh ki seiñ kreh monsñiawbha ha kylleiñ ka ri. Ya kani ka soskular da soi da u Deepak Khandekar, Secretary Ministry of Tribal Affairs wa u S.N. Tripathi, DG, IIPA ha ka yalang wa man ha “National Tribal Research Conclave” ya kawa da pynman da ka Centre of Excellence (CoE) for Tribal Affairs, (M/o Tribal Affairs), Indian Institute of Public Administration (IIPA), New Delhi.
U Arjun Munda hawa e yei klam da ong u wa ka MoTA da booh ko ya i rukom thooh bniah khnang wow wanrah ya ki luti kamjooh ya ki aiñ wa yatoh wa kini ki jaitbru.
Da ong u leh wa ki Tribal Research Institutes (TRI) man ki ki bynta wa kongsan tam wow ye u wanrah yei kaam pynroi ha ki thaw wa im ki jaitbru Ri-loom wei kamjooh leh wow yarap ya ki.
Chooh chooh da ong u wa emkaam wow pynsuk yei rukom im ki jaitbru Ri-loom ha ki thaw wa im ki deiwa yada ya ki symbe wa ki mar wa pynmih ki deiwa ban joor wa ka Biodiversity Management leh man ko kawa emkaam bha katwa kamtæ emkaam wow yada ya ka rymaw.
