Ka Director General of Police (DGP), ka Idashisha Nongrang da ong ko wa ki kaam pyrchah aiñ, ki kaam thombor pyrchah ya ki khynnah ha Meghalaya da hiar bha ki ha ki le snem wa da lai, hanla ini wa dep da jia ma jia.
Hawa jubab yei chah pynyap ki ar ngut ki khynnah ha Nongrah, ka DGP da ong ko wa ini ymtoh wow pait ki heitæ i rukom wa ku ki kaam pyrchah aiñ ya ki khynnah. “Lada pait i ya ki yukheiñ da hiar bha ki, tangwa iwa jia ini wadep toh iwa sñiawkhia,” da ong ko.
Da ong ko leh wa ki pulit dang thooh ki ya kiwa pynyap ya u khynnah wa dang 7 snem katwa ya uwa pynyap ya ka khynnah wa soo snem dadep kem ya oo.
Da ong ko leh wa kiwa boon kam kini kiwa jia toh neidaw wym em miat i long i man ha ki yung ka sem iwa palat yeiwa ye ki bor ka aiñ wow pait.
Da pynkynmoo ko leh wa ini wadep, u Chief Minister dang dep khut yachem u wa ki bor chnong yow ye u ya krehlang neibhah du ki pulit samen ym ye ki.
Discussion about this post