Jowai : I e por wa chi tayaw ka Meghalaya SSA Schools Association (MSSASA) Central Body ya ki bor pyllai ya ka National Institute of Open Schooling (NIOS) Noida da kut ko ynne ka sngi.
“Neidaw wa suki u Dr. Chandra Bhushan Sharma, Chairman ka National Institute of Open Schooling (NIOS) Noida wow pynbait ya ki kynrum kynram yong ka result D.El.Ed batch 2013, wei wow pynyinsur yei por (validity period) yong ka D.El.Ed Training, yow ye u pyndap form nei bynta wow puræ biang ki tu wa ym pass ya waroh ki subject wei ka NIOS leh ym ye ko u i jubab deiwa che hei yatoh wa ini kamtæ ka seiñ da rai ko wow lai cha khmat wow chong kylleiñ myngor ha ki ar sngi ka 24 wa 25 tarik yong uni u bnai nadooh 11 waje i step hadooh 2 waje i sngi pynbna” ong u H.M. Marbaniang, General Secretary ka MSSASA Central Body.
I chong kylleiñ myngor (Gate Dharna) u pynman ha khmat thaw kreh ka NIOS wa em ha Shillong kawa em ha i jooh i thaw deilang wa ka ophis ka Directorate of Educational Research & Training (DERT) ha Laitumkhrah.
Neliang u President ka MSSASA u Aristotle C. Rymbai da ong u wa lada ka sien nyngkong wa lai puræ ki 4385 ngut kiwa sikai wa kynthup ya ki wa sikai SSA, Government, Deficit wa Adhoc kiwa sikai ha ki kyrdan Elementary kiwa puræ D.El.Ed ym ye u pynbiang ya ka result kammon won u ye sa ya kiwa daw wan.
Da dep yang la chi snem ya ka result ym pu yoh u khait ya u soh wa kreh chitom wei i yaklam man i iwa sepai haap pynyoo noh da i kaam, wei da khut lang leh ya waroh 4385 ngut kiwa sikai wow ya emlang ki ha kini ki sngi yakhih, da pynkut u president ka seiñ.
Also Read: Mih i wym yahun mynsien ha pyrdi ka MSSASA wa ka NIOS
Discussion about this post