U Speaker ka Meghalaya Legislative Assembly, u Thomas Sangma ynne da pyntip u wa da paan yarap na ki bru stat bru chemphang yow pynyoo ya ki kammon wow pynemkaam da ka Artificial Intelligence (AI) ha kani ka dorbar wa daw wan.
U Thomas da ong u wa kwah ki wow e laad ya ki MLA wow pynemkaam ki dei ktien tynre ki wei kattæ da pait wa kammon i stat AI daw ye i wow yarap pynkylla ktien. Da pdiang u wa ya ki kten wa klam ha Khasi, Jaiñtia wa Garo Hills ym pu wa leh yeini, kamtæ emkaam wow paan yarap na ki bru wa stat wa chemphang u leh yeini.
Da pyntip u leh wa kini ki bru daw emlang ki heipor wa pynman yaka dorbar mang tangka yow e buit kammon wow lai chakhmat.
Ha iwi won i liang da pyntip u wa ympu ye wow leh yow man 100% khlem da pynemkaam da ki kot hapoh ka yung dorbar tangwa dapoi chiteiñ neibhah kiwa boon ki MLA da mynjur ki wow leh yeini.
Kam wow pynkynmoo wa kani ka dorbar mang tangka daw sdang ko nadooh ka 16 tarik wei daw kut ko haka 27 tarik deiwa chong dorbar 8 sngi.
Discussion about this post