Kam chibynta wow leh ya ka Census wa thymme hapoh ka ri India, daw sdang nyngkong da ka Houselisting Operations nadooh ka 01-04-26, da pyntip u Registrar General of India.
I thung ya ki Supervisor, ki Enumerator wei i bhah yei kreh daw leh deiwa ya krehlang ki jylla deilang ki bor District wei hadien ka Houselisting Operation (HLO) kawa kynthup wow pait yei long i man ki yung ki sem, daw pynbood won sa ka Population Enumeration (PE) kawa kynthup yow chim yukheiñ kiyi ki jaitbru, ka kamai kajih kamjooh ki dustur riti kiwa em ha kawi pa kawi ka manyung kawa da booh wow sdang ha ka 01-02-27.
Neibynta wow leh ya ka Census, daw emkaam palat 34 lak ngut ki Enumerator wa Supervisor wei kamwa 1.3 lak ngut ki Census Functionary.
Kani u man ko ka Census wa 16 wei ka sien wa phra wa pynman ka nadooh wa yoh laitlooid ka ri.
Ha kani ka Census daw pynemkaam leh da ki Mobile Application wei daw e laad leh ya ki bru wow kheiñ ki pyn da ki ya ki hi namo Self-Enumeration.
Da pynkhreh leh 13 tylli ki yukylli da ka yung krehkaam u Registrar General and Census Commissioner yow jubab kiwa chong chnong.
Daw kylli chaphang ki tiar ki tar wa em ki bru nadooh ki Mobile Phone, ki kari, ki tiar wa pynemkaam ha-yung ha-sem wa kiwi de kamjooh ki jait baam wa baam, ka umdih, ka bordiñ, ki paikhana, ki jiat diñ wa pynemkaam yow chet u tu lada pynemkaam LPG/PNG wa kiwi de.
Kiwi de kiwa daw kylli toh kiyi ki mar wa pynemkaam yow chna yung, katwon tylli em kamra, katwon ngut kiwa sah, kiwa dadep bia kamjooh lada man ki Scheduled Caste næ Tribe.
Ka leh Census toh kawa jooh leh chisien 10 snem tangwa ha kani ka kynti da leh ka hadien 16 snem neidaw wa pynthut ka khlam COVID-19.
Discussion about this post