Da ka ILP u pynkrehkaam ka sorkar lada man aiñ ka CAB: Prestone

Shillong: U Prestone Tynsong uwa man leh kam u symbood montri rangbah ka jylla da ong u wa lada emkaam ko ya ka Inner Line Permit (ILP) ka sorkar u leh ko deiwa ya phyllu yumut yow yoh ya ka rai sani bha.

Hawa yaklam wa kiwa pathai khubor, u Prestone da ong u wa lada kammon kammon ka sorkar India lai ko chakhmat wow pynman aiñ ya ka Citizenship Amendment Bill, 2016, ka sorkar jylla daw haap chim ko da kiwi ki kitkhlieh wei lada toh u pynkrehkaam ya ka ILP ha ka jylla, ka sorkar daw smat ko wow leh ya ini.

Hajrong i dawa yong u HS Shylla ha ka dorbar bah kawa da pynman ha ka 31 tarik u bnai wa da dep, wa ka sorkar toh u e noh ko ya ka ILP wa da mynjur da ka KHADC hapoh chi tayaw, neiliang u Prestone da ong u wa ka sorkar ym emkaam ko wow leh jhan hajrong kani ka bynta neibhah ka sorkar ka da leh ko ya i kaam, wei katni i pynbait ya ka Meghalaya Residents Safety and Security Act, 2016, leh dang lai i chakhmat.

U Prestone da kyrpaad u leh ya ki seiñbhalang wa kamjooh ya u HS Shylla wym toh u pynchoi ya ki paidbah da i klam yong ki neibhah kani ka kaam ymtoh kawa ye u leh jhan.

Related posts

Pynkhreh ka BJP Meghalaya ya ka Election 2028 deiwa pynskem ya kiwa kitkaam thymme

June 14, 2025

Kyntait ka Agatha Sangma wow man ka kyrtong MP cha Rajya Sabha

May 29, 2025

Ha iwi tawon i liang da pyntip u wa ki seiñ saiñ pyrthai ka thaaiñ mihsngi da yachem ki wa u montri ka kaam poh yung ka ri India, u Rajnath Singh wei da dawa wow pyndam bait ya ka CAB na i thmu wow pynman aiñ deiwa e por hadooh ka 13 tarik uni u bnai kawa man ka sngi wow kut ka dorbar ha Rajya Sabha.