Da ka kaaid ieh mylliñ ki Doctor hapoh kpoh ka manbei kawa yoh u sai hadien 12 snem

Ha i jia wa sñiaw khyrngiat ha kawi na ki Hospital wa heh dooh ha Sikkim kawa neipor cheipor wa chah pynbaad yei leh khalær kawa tip kam ka STNM Hospital wa em ha Gangtok, heiwa na kpoh kawi ka manbei da chem ya kawi ka kaaid pooid (Surgical Scissor) kawa ieh la 12 snem.

Kani ka kaaid toh kawa da chem na kpoh ka Rita Chettri (51 snem) kawa na Melli Sadam, South Sikkim wei ya kani ka kaaid da ieh mylliñ hapoh kpoh ko hadien wa chah pooid Appendix ha kani hi ka Hospital 12 snem nachwa.

Ka Chettri da chah pooid Appendix ko ha kani ka STNM Hospital ha u Dr. Passang wei hadien wa chah pooid da chah ksoh ko 17 sngi chwa wow chah u liwan yung ko. Da ki snem kani ka manbei da maad ko yei sooh neipor cheipor heiwa nyngkong ki Doctor ka Namchi District Hospital da ong ki wa yoh Gastric ko wei da e dawai ki ya ka tangwa da pteiñ bait i sooh ko.

Hadien kattu katni snem da sdang wow add u kpoh ko hajan u tympong iwa da pynman ya kiwa ha-yung ko wow lai kit biang ka cha Gangtok yow pait bniah heiwa da leh ya ka Biopsy wa X-Ray wei da chem wa em i kynja tiar naar hapoh kpoh ko.

Related posts

Im biang u bru chwa u thang uwa da pynbna ki Doctor kam uwa da yap

November 23, 2024

Chah ieh iwi i khonboo hapoh ka Cradle Point

November 23, 2024

Kamtæ ha uni u bnai da lai booh biang ka cha STNM Hospital ha Sochyagang heiwa da pooid biang ka wei heini ki Doctor da yei ki wow sai ya kani ka kaaid kawa da ieh mylliñ la 12 snem.

U Balaram Chettri, uwa man u kurim ka Rita hawa yaklam wa kiwa thoh khubor da ong u wa kmen u wa da lait ka kurim u nei maa wei da chimpor ya oo wow leh yeini waroh neidaw wym em poisa ki wow su ya ka bai sumaar wei kamjooh wow lai cha ki muktiar yow yaleh mukotduma pyrchah ya kani ka Hospital.

Hadien wa da poor kani ka khubor, neiliang ki bor sorkar da phah ki wow pynman ya ka takit.