Ka Dhab ki Montri namo ka Cabinet ha ka yalang wa da pynman ynne ka sngi da mynjur ki ya ka Meghalaya Ropeway Bill 2022, wei daw rah ya ka yow yoh yei mynjur hapoh ka Yungdorbar Chna Aiñ yow chna ya ka Ropeway yow lai cha u Lum Shyllong (Shillong Peak) wei ka mang poisa man ko T. 140 klur lyngba ka New Development Bank.
U Montri Rangbah ka jylla, u Conrad Sangma da ong wa neibynta ini i kaam daw khut Tender noh hapoh 15-30 sngi wow wan.
Da ong u wa kani ka Bill toh kawa booh kyndon nadong chadong kammon wow pynlai ya ki Ropeway, nadooh i batai kammon u chna, wei wow em i chngaaiñ ya kiwa uiñke suwari wa ya kiwa chong chnong.
U Conrad da pynche u wa kawa daw chna katni toh du neibynta kiwa uiñke suwari wei da kreh wow wanrah ya kani la ar snem kattu nadooh wow yoh thaw, ka poisa kamjooh wow wanrah ya ka aiñ. Heiyatoh won neibynta i lai i wan ki bru paidbah da ong u ye wow wanrah da ki Cable Car kam kiwa kit paidbah tangwa yow leh yeini i pynkhreh man i iwa heh chooh chooh wei ym toh iwa suk wei daw ye ki wow pynkyllooid ya ka chnong ka thaw tangwa katni da sdang chwa da kawa neibynta kiwa uiñke suwari.
