Ka 1st Dorbar Chnong Demthring Knockout Football Tournament 2025-26 da wai pyrda ka ynnin ka sngi da u Montri ka chnat Puræ Puthi, u Lahkmen Rymbui kam u kongsan chirup wa u Lammat-oo Laloo, Hony. General Secretary ka WJDSA kam u symbood kongsan deiwa emlang u MDC ka thaaiñ u Madonbai Rymbai, u Kampher Pohlong, General Secretary ka Synjuk Waheh Chnong Ri Jaiñtia ryngkat u waheh chnong ka Demthring, u E.W. Ryngkhlem wei da sakhilang da kiwa boon kiwa chong chnong.
Ka yalehke da sdang ko hapyrdi ka Ummudong FC pyrchah ya ka Khliehtyrchi FC heiwa ka yalehke hadooh wa kut i por da kut ko da 1-1.
Ya ka Ummudong da thap da u Reform Pale ha ka minit wa 48 katwa ya ka Khliehtyrchi da thap da u Balajied Shylla ha ka minit wa 59, kamtæ da pynman dei yachut Tie-Breaker heiwa ka Ummudong da jop ko da 4-2.
Ka yalehke u pteiñ ko ha ka 26-11-25 da ar tylli heiwa heipor 12:00 waje pyrdi sngi, ka Mawlong FC daw yachem ko wa ka Dongnein FC wei heipor 2:00 waje ka Youth Talent daw yachem ko wa ka Iaipyrchang FC.
Discussion about this post