Da khang wow lai ki kari wa khia na ka yingkieñ wa em ha ka wah Amphubon

Ka Sub-Divisional Magistrate ka Amlarem Sub-Division da pyntip ko wa neiliang u Assistant Executive Engineer PWD (Roads) Border Road Sub- Division, Amlarem da pyntip u wa ka yingkieñ Bridge No 1/1 wa em ha ka wah Amphubon ha ka 1^st Km u sarok Muktapur-Borghat toh kawa da tlot wei ym man de u lai ki kari wa khia palat 9MT.

Uni u sarok man u uwa emkaam bha ya kiwa lai cha Dawki wa Amlarem wei da emkaam wow yada ya kani ka yingkieñ.

Kamtæ da pynkrehkaam da ka Section 163 BNSS yow khang yei lai waroh ki jait kari wa khia na kani ka yingkieñ lait noh kiwa khiah hapoh 9 Metric Ton.