Ka National Testing Agency da pynbna ko ya ki kyndon heiyatoh wa i pynman ya ka NEET (UG) 2025 ha ka 4 tarik uni u bnai nadooh 2:00 waje i sngi hadooh 5:00 waje i janmiet heiwa kawi na ki kyndon toh wym chah ya kiwa thoh khubor wow wan ki cha ki Exam Centre wei ym chah leh wow yaklam namo wow chim Interview ki.
Da phah leh wow em ki pulit nadooh ka 3 tarik hadooh ka 4 tarik yow pyntikna wym em mih kulmar, wei lait na kitu kiwa emkti ha kani ka Exam lada man ki ki bru sorkar leh ym chah wow wan ki cha kini ki Centre.
Kiwi ki kyndon kynthup ki nadooh wow pynbiang bordiñ iwa khlem thut nadooh ka 3 tarik hadooh ka 4 tarik deilang wow pynbiang ki Bus yow kit ya kiwa lai yaleh Exam wei kamjooh heipor wa liwan ki.
Neibynta kiwa emkaam Wheelchair næ kiwa em duna hei doh i pran, toh u pyntikna wa kini ki Exam Centre u man ki kiwa biang ki bru wow e yarap ya kini kamjooh wow pynbiang ya ki Ambulance.
Da em leh kiwi ki kyndon yow pyman ya kini ki thaw thoh Exam kiwa biang wei wow batai leh ya ki Principal ki Headmaster ki skur wa pynman kam ki Exam Centre yow lait u thut i pynman ya kani ka Exam.
Discussion about this post