Ka Khooid Ya Ka Wah Myntdu kjut nood bha ko hawa pait wa sylli bha ko ya i man i long ha tawiar ka Myntdu kat hadooh kini ki sngi, wa sam chaphrang da yoo artatien yei im, ym tip iwa kammon won iwa daw jia daw man ha ki sngi ki bnai kiwa daw wan.
Kamtæ dawa ko ya i waroh u ya mih khmat chynrang khmat kynthai cha ka dorbar paidbah kawa daw man ha ka 12 tarik uni u bnai heipor 01:00 waje i sngi ha Yungwalieh ka Chiliang Raij Dorbar Chnong, Jowai.
Kat da kamtæ da kyrpaad ya waroh kiwa im wa em mynsien u pynneh, pynbha yeiwa im chirup wa ka Myntdu nadooh ki waheh chnong, kiwa krehkaam chnong, ki khynroo khyllood, ki waheh chynrang wa kynthai, ki manbei, kiwa khwe wa kiwa im kiwa em tawiar ka Myntdu chadooh cha War Jaiñtia, wa khamtam ha Jowai yow pynlait chynnam phi u wan cha kani ka dorbar khnang yow yaklam bniah bha i, wa kammon u ye i u pynkhai pynyieñ para bru yow ye u yada ya i manbru, u ya imlang sahlang i chirup wa ka Myntdu dei bha, dei miat kamwa da man ko kawi na kawa da wa kær wa pynim ya i manbru ha ki chnong wa em tawiar yong ka.
Khamtam ka um kawa da sdang u chah ktah, kawa pynbiang ya ki phaw hajar ngut wa pynskem ya ka chnong ka dong wa ya ki hajar ngut ki warep kiwa yoh ya u kba u khoo cha ki pynthor tawiar ka Myntdu wa ya kiwa im kat chadooh cha Bangladesh.
Chirup u ya krehlang i.
I pyntip na u Khroo L Pariat, President Khooid Ya Ka Wah Myntdu.
Discussion about this post