Ynne ka sngi, u CEM ka JHADC, u Thombor Shiwat uwa man leh u kyrtong ka NPP na 8-Moodop Umladang Constituency da pynman u ya ka yalang yalap Election ha chnong Bambthong.
Ha kani ka yalang da wan emlang u Symbood Montri Rangbah ka jylla, u Sñiawbhalang Dhar wa kiwi kiwi.
U Sñiawbhalang hawa e i klam da ong u wa u Thombor ha kani ka kynti ym duna u ya ka 5,000 Vote wei emkaam chooh u wow kreh chitom.
Da ong u wa u Thombor ymtoh u wow thooh dwar tang u bru wow e dwar ya kiwi neibhah wa da man u u bru wa da chemphang ha ka kaam chakri paidbah ymtoh kam kiwi tawon.
Chooh chooh da ong u, “Ki kyrtong VPP ong ki jied ya ki wow wanrah yei kylla, tangwa iyi won de u pynkylla yeiwa da wanrah O”.
Da ong u leh wa uwa mihkhmat wa maya ya ka jaitbru toh uwa pynbiang ya ka um ka wah, ka luti syngkieñ, ka bordiñ wa kiwi kiwi, deiwa kyntu ya ki paidbah wow kyrchaan ya u Thombor Shiwat ha kani ka kynti leh.
Ha kani ka yalang da wan sakhi da ki hajar ngut ki bru wei da pynphooh ya ka da ki chaad.
Discussion about this post