U Adviser ka sorkar ha ka chnat Social Welfare, u Paul Lyngdoh da pdiang u yei em kiwa pynemkaam da ki khynnah wow khayi drugs ha Mawlai.
Hawa klam ynne ka sngi, u Paul da ong u wa man ko iyi iyi wa sñiawkhia, wei hajrong wa tip wa em i pynemkaaam da ki khynnah, da khana u wa da khut ka yalang wa u SP ka ANTF ynne ka sngi yow em i ya krehlang hapyrdi ki pulit, ki ANTF wa kiwa yahkhmat chnong.
Hawa pynsñiaw yei emkaam ya ka imlang sahlang wow mih chakhmat, khlem da kheiñ wa ymtoh ka yung yong ki, neibhha wa kiwa khayi yei ki wow man pyn da kiwa sah jan yung.
Hawa kylli, u Paul da pyntip wa ka Mawlai dadep tipmit ka kam ka thaw wa roi bha i drugs namo ka ‘Hot Spot’. Da ong u wa katkam wa da pynlang pynlum yukhieñ ha man ki District em ki ki Hot Spot, tangwa ka Shillong wa East Jaiñtia Hills toh kiwa hakhlieh dooh neidaw wa ha Shillong i drugs da roi bha i katwa ka East Jaiñtia Hills toh ka thaw psiah i drugs.
Discussion about this post