Shillong: Ka chnat Information Technology & Communication (IT&C) Department, Meghalaya ynne ka sngi da pynkup burom ko da ki Laptop cha ki khynnah wa pass bha ha ki Exam Class X wa Class XII Examinations 2018 yong ka MBOSE, ISC wa CBSE ha ka yalang wa pynman ha Yojana Bhavan, Shillong.
Ha kani ka yalang da wan u montri ka Information Technology & Communication, u Hamletson Dohling kam u kongsan hei emmlang u Commissioner & Secretary, IT, u MR Synrem; Director ITC, u CP Gotmare wa u Principal Consultant SeMT, IT & C, u E. Lyngwa.
U Hamletson hawa e yei klam da ong u wa man ko ka por wa sñiaw sarong ya ki manbei manpa wow yoo wa pass bha ki khon yong ki deiwa pynrap leh wa man ko ka por wa kmen ya ka sorkar wow pynkupburom ya ki khynnah kiwa da kreh chitom ha kani ka juk wa katni. Da kyntu u leh ya ki manbei manpa wow kyrchaan wei wow e mynsien ki ya ki khon yong ki khnang wow yoh ki ya ka mynried wa tyrchaaiñ.
Da ong u leh wa ki khynnah toh u chim kabu ki ya i stat ka juk wa katni wei wow kreh chitom ki khnang wow ye ka jylla u yoh myntoi na ki hadien habood.
U MR Synrem da e mynsien u ya ki khynnah deiwa ong wa ymtoh u man ki kiwa chong-ngiah tangwa u man ki kiwa pteiñ u kreh chitom.
Kiwi kiwa da klam ha kani ka sngi toh u CP Gotmare uwa da e ya ki kyntien pdiang burom, wa u E. Lyngwa uwa da e a ki kyntien e khublei.
Discussion about this post