Hadien wa em ar tylli ki kari wa chah thang ynnin ka sngi ha Shillong heiwa kawi toh ka kari sorkar wa pynemkaam da ka Meghalaya Infrastructure Development Finance Corporation iwa da jia ha Nongmensong Dongkadiang katwa kawi won toh ka kari ki bru samen wa em ha Railway Guest House ha Laban kawa man leh ka kari u bru wa pait ya kani ka thaw wa man i yung wai wa chim da ka Northeast Frontier Railway (NFR), da pyntikan wa waroh ar toh kiwa da chah kawang Petrol Bomb.
Neiliang ki pulit da pynjoor ki yei lai sonteri wei wow thooh ya kiwa leh yeini i kaam.
Lyngba ka CCTV wa em ha Nongmensong, da yoo yeiwa wan uwa yah thuk-thuk wa kawang da u Petrol Bomb katwa iwa jia ha Laban won ym em CCTV.
Ini da jia i kattæ wa da sdang biang mih i pyrchah luti rel deilang ka aiñ Meghalaya State Investment Promotion & Facilitation Act (MSIPF).
Neiliang ki pulit da kyntu ki leh ya kiwa em kari sorkar wow syndong bha ki ya ki kari kamjooh heiwon pynyieñ ki ki.
Discussion about this post