U Montri ka chnat Urban Affairs, u Sniawbhalang Dhar hawa e jubab hapoh ka yung dorbar da ong u wa ka sorkar ym em ko iwon iwon i thmu wow pynkylla yei thaw wa em ha Mawkhanu cha ka European Ward.
Yeini da jubab u yeiwa kylli u MLA ka Liang Pyrchah, u Brightstarwell Marbaniang uwa da ong wa ka thaw wa em ha Mawkhanu toh kawa heh hadooh 800 Acre iwa heh bar ya ka European Ward wa em ha Shillong wei lada daw pynkylla leh ya kani ka thaw kamwa man ka RR Colony ha Rynjah neibhah da sñiaw yei pynmih khubor ka KSU wa da em iwi i thaw wa da kær da ki Tin rong suiñbneiñ kawa da e kti cha ki bru ki wym toh ki jaitbru ri-loom. Wei lada em kam ini toh u pyndam syndon ka sorkar. Neibhah ini man ko pyrchah ya ka aiñ Meghalaya Land Transfer Act.
U Sñiawbhalang da pynche u leh wa kamwa man kattæ ym em e wai yei thaw cha kiwon kiwon. Wei heiyatoh wa i thmu wow booh thaw noh jhep ha Mawkhanu da ong u wa kattæ da em da iwi won i thaw ha Nonghali.
Yeini i thaw ha Mawkhanu da ong u wa ye wow e cha ki chnat sorkar tangwa yeini ym pu em rai.
Da pyntikna u leh wa ym em kiwon kiwon ki bru wa sah pyrchah aiñ ha Mawkhanu.
Puræ leh: Yoh ka Meghalaya Rs. 199 klur yow pynkylla dur ya ka Umiam wa ka Mawkhanu
Discussion about this post