Shillong: Ka Sorkar jylla em ko i thmu wow chna noh da ki yingkieñ lai kjat namo ki Sky Walk khnang wow pynkyllooid ya ka sor Shillong wei wow pynduna leh yei sahkut ki kari.
Hawa klam wa kiwa pathai khubor ynne ka sngi u montri wa pait ya ka kaam pynroi sor, u Hamlet Dohling da ong u wa ka sorkar chimkhia ko wow pyllait ya ka sor Shillong na i khynnia wa i sahkut kari.
U montri da pyntip u leh wa neiliang u Montri Rangbah ka jylla dadep khut yalang u ya ki tnat sorkar wa kynthup ya ka kam pohyung, ka tnat PWD, MUDA wa kiwi kiwi wow pyrkhat hajrong ini i eh i khoo wei daw khut biang ya ka yalang.
Da ong u wa du kat ka tnat pulit næ kiwi ki tnat ym ye wow pynwiar ya ini tangwa emkaam leh wa kiwi ki tnat leh wow chimkhia ki.
U Dohling da ong u wa ka sorkar thmu ko wow wanrah boon tylli ki Project wow pynwiar ya i khynñia ha sor wa i sahkut kari kamtæ deiwa chna ya kini ki luti lai kjat na suiñ kam ha Khyndailad, IGP, Barik, Lachaumiere wa kiwi kiwi ki thaw daw yarap i chiboon.
Da ong u wa ka sorkar emkaam ko leh wow krehlang wa kiwi ki tnat khamtam wow yoh ya ki thaw wei da pynrap u deiwa ong wa ka sorkar daw paan yarap poisa ko leh na ka sorkar pyrdi wow pynmankam yeini.
(Feature Image-For Representational Purpose)
Discussion about this post