Da kyrriah ya ka Tax Gate wa em ha Khanduli wei ym ye u khrong dan na ki Pnar, ong u Montri ka Assam

Ka Regional Committee wow pynbait pood wa ka Assam na West Jaiñtia Hills, ynne hapoh i yahkhmat u Chairman uwa man leh kam u Symbood Montri Rangbah uwa man leh u MLA ka Nartiang, u Sniawbhalang Dhar chirup wa ki MLA, u Comingone Ymbon, u Nujorki Sungoh, u DC ka West Jaiñtia Hills, u BS Sohliya wa u SP ka District, u C. Syrti, u CEM ka JHADC u Thombor Shiwat da hiar ki cha Khanduli wow pait ya u pood ka jylla kamjooh yow wanrah yei yasuk.

Ya ka Assam da yahkhmat da u Montri ka Sorkar Assam, u Pijush Hazarika, u MLA u Rupsing Teron, ka DC wa u SP ka West Karbi Anglong heiwa da yachem ki ha Khanduli.

Ha ini i yachem da wan kiwa kitkaam chnong ka Khanduli wa u Waheh Chnong, u Yoshida Nongspung heiwa da e dorkhat ki leh ha u Sniawbhalang Dhar.

Na Khanduli won da lai pait ki ya i thaw wa em ka Entry Tax Gate wa kamjooh u pood khaddooh namo u Zero Point ka Khanduli heiwa da pyntip wa ya kani ka Entry Tax Gate da kyrriah wei ym em de ko ha Khanduli.

Related posts

Wa thung ka BJP da ki bru yong hi tæ mih i kynrum kynram ha NEHU: Ronnie

November 15, 2024

Dang jan u lai na Shillong cha Vietnam, Thailand, Laos, Cambodia wa Burma bar cha Delhi: Conrad

November 14, 2024

Hawa yaklam wa uwi na ki waheh na ka jaitbru Karbi, u Welcome Teron da ong u wa heipor wa man Montri Rangbah u Captain W. Sangma da kwah ki wow wanrah ya ka Khanduli kamjooh ka Block I wa Block II cha Meghalaya wei wa da ong u wa ki Pnar manda thied thaw ki da lai yaleh kot ki cha Jowai itæ cha ka JHADC.

U Piyush Hazarika da ong u wa ynne da wan pait ya ka Khanduli khnang wow ye u rah ya ka bui (Report) cha ki ar sorkar jylla wow yaklam hajrong kani ka phang wei neitæ u rah ya ini i kaam cha ka sorkar pyrdi deiwa pynrap wa ki Assam wa ki Khasi, ki Pnar man ki kam chipayu.

Da ong u leh wa ym em de i khang ya i lai i wan ki paidbah hapyrdi ki ar jaitbru.

U Piyush da kyntait u wow ye u khrong dan na ki Pnar deiwa pynrap wa ka Karbi Anglong Autonomous Council (KAAC) ye ko wow khrong dan du na ki jaitbru Karbi.

Da sñiawskem u leh wow ye u pynbait smat noh ya u pood u ang wut-wut hapyrdi kini ki ar jylla.

U Sniawbhalang Dhar hawa yaklam wa kiwa pathai khubor da ong u wa ynne i lai cha kani ka chnong toh hajrong i kynaad wa mih nadooh wa wan booh ya ka Entry Tax Gate ka KAAC, wei wow em noh i lai i wan wa laitlooid heiwa da yoh leh u yachem ya ki arliang ki jaitbru.

Chooh chooh da ong u wa ki Montri Rangbah na ki ar jylla u yachem yaklam ki hajrong ini i kaam khamtam hadien wa mih kani ka Entry Tax Gate.