15 49.0138 8.38624 1 0 4000 1 https://wyrta.com 300 0

Da leh warom ya ka Legal Service Day ha Jowai yow pynkynmoo ya i yarap mynkna wa yatoh waka aiñ

0 Comments
Advertisement ad1

Jowai: Ka District Legal Service Authority, West Jaiñtia Hills ynnin ka 9 tarik da leh warom ko ya ka Legal Service Day ha Mission Compound Community Hall, Jowai, heiwa da emlang u K.J. Lyngdoh, Chief Judicial Magistrate, WJH, ka R.S. Manners, Additional Deputy Commissioner, Jowai, u Lakador Syiem, Superintendent of Police, Jowai wa u B. Chettri, Additional Superintendent of Police. 

Ha kani ka leh warom da emlang leh ki Paralegal Volunteer, ki khynnah skur, u waheh chnong ka Mission Compound, u Kerlang Lyngdoh wa ki dkhot ka dorbar chnong.

U E. Kharumnuid MHJS, District Session Judge uwa man leh u Chairman ka DLSA da batai u chaphang kani ka sngi Legal Service Day kawa man ka sngi wow pynsñiawthooh hei wow yoh yarap mynkna ha ki kaam wa yatoh wa ka aiñ namo ka Free Legal Service and Free Legal Aid cha kiwa wan na ki manyung wa dooh. 

Da pyntip u leh wa da pynman boon kam kini ki pynsñiawthooh paidbah wa ki e dawai mynkna wow pynche ya ki paidbah hajrong ki hok yong ki. 

Neiliang u K.J. Lyngdoh, da batai u hajrong ka aiñ Legal Service Authority Act kawa man hapoh yong ka Article 39-A yong ka riti synchaar ka ri wow e yarap mynkna heiyatoh wa ki kaam wa yatoh wa ka aiñ ha ki bru kiwa dooh. 

Da e yarap mynkna leh ya ki bru kiwa chem chitom wow yakhun ya ki mukotduma ha ki yung kasari wei da batai u leh yei kaamram ka Legal Service Authority deiwa ong wa ka Legal Service yakhun ko yei hok ki bru. 

Chooh chooh da e nongmuna u leh ya kam kitæ ki kaam wa kynthup ya ki mukotduma wa yatoh wa i yoh baam, i thaw sah, puræ puthi, wa kiwi kiwi iwa emkaam u im kam ki bru.

Da yoh leh i klam na u Lakador Syiem, ka R.S Manners, u B. Chettri wei da saam leh ya ki Identity Card cha ki Para Legal Volunteer kiwa yarap mynkna ya ki paidbah heiyatoh waka aiñ.

Ha kani ka sngi u Kerlang Lyngdoh, da e u ya ki kyntien pdiang burom katwa u R. Sten, Para Legal Volunteer won da e u ya ki kyntien khublei. 

0 Comments

Leave a Reply