Kam chibynta yong ka Ek Bharat Shreshtha Bharat yong ka sorkar pyrdi wow wanrah yei yatylli wei sñiawthooh hapyrdi ki paidbah yong ki jylla waphær waphær, da lehkmen ya ka Foundation Day ka West Bengal namo ka sngikha ka jylla West Bengal ha ka yalang wa da pynman ha Raj Bhavan, Shillong ynne ka sngi.
Ha kani ka sngi da em ki rwai wa ki chaad tynre heiwa u Lat ka jylla, u Phagu Chauhan da man u kam u kongsan.
Hawa e yei klam, u Phagu Chauhan da ong u wa i parom ka Bengal man i kam iwa chabæh luti wow wanrah yei kylla ha ki por nachwa ha ka imlang sahlang, i khayi pateiñ, i wanrah yei mynsien maya ri wa kiwi kiwi hanlada em hapoh i synchaar ki pharæng.
Da ong u wa kani ka jylla da pynmih ko ya ki khloor pyrkhat kam u Raja Ram Mohan Roy, u Sri Aurobindo, u Bankim Chandra Chattopadhyay, u Rabindranath Tagore, u Netaji Subhas Chandra Bose wa kiwi kiwa da sahnaam hadooh katni.
Ha kani ka sngi da yoh leh i pynwyrngia wa tip kam ka Rabindra Sangeet wa rwai da ka Sutapa Chowdhary, i chaad na ka Devi Dhar wa ki lok yong ka, i rwai na ka Dhananjay wa na ka dhab Shobdoghor na Guwahati.
Chooh chooh kam chibynta ka International Yoga Day ka wow man ha ka 21 tarik, da pynman ya ka Yoga Asana Session ynne ka sngi.
Ya ka lehkmen ynne da pynman da ka Indian Council for Cultural Relations (ICCR) Shillong chirup waka Department of Arts & Culture ka jylla.
