15 1 0 4000 1 https://wyrta.com 300 0
theme-sticky-logo-alt
theme-logo-alt
Advertisement ad1
Advertisement ad1

Da pynkhlan yei sonteri hadien wa tip wa em ki damok kieñ suloi wa uiñ ha jylla

Advertisement ad1

U Montri Rangbah ka jylla, u Conrad K Sangma ynne ka sngi da ong u wa ka sorkar da pynkhlan ko ya ki bor wow sonteri wei i kynreh ha waroh ki District ka jylla hadien wa yoh yutip wa uiñ wa lai ki dkhot ki seiñ kieñ suloi.

Ynnin i miet ka 14 tarik da em i yasiat hapyrdi ki damok wa ki pulit hajan ka Sherwood School, Tura, heiwa uwi u bru wa suba toh uwa na ki seiñ kieñ suloi da khlaad noh u ha ki kuli yong ki pulit.

Advertisement ad1

Hawa yaklam wa kiwa pathai khubor ha Shillong, neiliang u Conrad da ong u wa da yoh yutip hajrong i lai i wan ki dkhot ki seiñ kieñ suloi tangwa da kyntait won u wow khana na kawon ka seiñ em ki khlem tip wa bniah.

Kam wow kdaw heini, ynnin ka sngi neiliang ka Liang Pyrchah, u Dr. Mukul Sangma da pynsñiaw ki wa em ki dkhot ka NDFB kiwa uiñ wa lai ha ki bynta ka Ri loom Garo wa West Khasi Hills wei da em leh ki khynroo kiwa da lai lang wa ki.

Hawa kylli won hajrong i pynbaad ka Liang Pyrchah wa ka sorkar ym chimkhia ko, neiliang u Conrad da ong u wa ka sorkar ym em u suki donhi ko neibhah wa da leh ko katkam i man i long neibynta i suk i saiñ wei ka chnat pulit da toh u man ki kiwa paitsiar bha wei ym em kam itæ wa ka sorkar ym leh ko iwon iwon hajrong ini neibhah wa lada yoh yutip ko na ka liang pyrchah namo na ki paidbah toh i kaamram ka sorkar wow chimkhia wow leh yeiwa emkaam.

Share this:
Previous

Lyngba ka MyMeG booh thong ka sorkar wow man ka Top 10 State ka ri

Next

Siat yap ki pulit ya uwa rah AK-56 ha Tura