15 1 0 4000 1 https://wyrta.com 300 0
theme-sticky-logo-alt
theme-logo-alt
Advertisement ad1
Advertisement ad1

Lyngba ka MyMeG booh thong ka sorkar wow man ka Top 10 State ka ri

Advertisement ad1
Advertisement ad1
Advertisement ad1

Ynne ka sngi kawa man leh ka International Democracy Day, u Montri Rangbah ka jylla, u Conrad K Sangma, da sdang u ya ka MyMeG Program, kawa man ka thong krehkaam ka sorkar jylla wow pynchlur ya ki paidbah wow chimbynta ha ki kaam synchaar sorkar (Governance Process).

Ya kani ka MyMeg Program da pynchna ha i rukom wow wanrah ya ki kaam pynroi deiwa krehlang wa ki paidbah.

Advertisement ad1
Advertisement ad1

Kani ka MyMeG Program u yarap ko wow pynyajan ya ki bru lyngba ki Digital Platform heiwa da chimkhia ya ki kaam wa yatoh wa ki yutip heiyatoh wa ki Scheme wa kiwi de, wow booddien ya i pynkrehkaam ya ki Scheme, wa kiwi ki kaam ha ki District, Block wa ki chnong; wow pachat yumut, wow kynthup ya ki bru ha ki yalang kam ki yung hall, ki kylli yutip wa kiwi kiwi ki jait yakob.

Ha kani ka sngi neiliang u Conrad da ong u wa ha ki le snem chiteiñ wa da lai, ka sorkar da chimkhia ko wow wanrah ya ki kaam pynroi wei wow pynkylla ya ka jylla Meghalaya wow man ko kam ki Top Ten State ha ka ri chwa u 2030 wei hajrong ini ka sorkar da kreh ko khlem sangeh wow yarap ya ki kynthai, ki manbei, ki warep, ki khynroo khyllood wa kiwi kiwi.

Da ong u leh wa deiwa sdang ya ka MyMeG Program, da booh thong wow pynchlur ya i chimbynta ki paidbah ka jylla heiwa ki paidbah u ye ki wow e i bhah yong ki heiyatoh wa i bha i miat iwa ye wow yarap u pynkylla ya ka jylla.

Ha ki snem wa dadep ka sorkar da pynchlur ko yei yakrehlang lyngba ka Mahatma Gandhi National Rural Employment Guarantee Scheme (MNREGS), Self-Help Groups (NRLM), Jal Jeevan Mission wa kiwi kiwi heiwa ka jylla da man ko kawi na ki jylla wa da pynkreh hok ya ka Mahatma Gandhi National Employment Guarantee Program.

Ha u snem wa dadep, ka sorkar da pynlut ko hadooh T. 1370 klur hapoh kani ka Program wei da phah (Transfer) ko T. 15,000 chi snem cha ki Account yong ki 6 lak tylli ki manyung hapoh ka jylla.

Da chna hadooh kamwa 33,000 tylli ki Self-help Groups ha ki le snem wa dadep wei da e yarap cha ki hadooh kamwa T. 8.4 klur du ha uni u snem.

Ha ki ar snem wa da lai da chna hadooh kamwa 1000 Km ki sarok ha ki thaw palat-sor, da pynpoi umkor cha ki 1.3 lak tylli ki manyung.

Ka sorkar da ngait skem ko wa deiwa em ka MyMeG daw ye ko wow pynsmat ya ki kaam pynroi ka jylla wow pynman ya ka kam ka Top 10 State ka ri chwa u 2030.

Share this:
Previous

Dawa ki 2 seiñ wow kset rta ya u Pa-nah wa slaitbor ya ka khon 2 snem lynter

Next

Da pynkhlan yei sonteri hadien wa tip wa em ki damok kieñ suloi wa uiñ ha jylla