Da pynkupburom ya ki 7 ngut kiwa dro dur wei chna tiar

U Montri Rangbah ka jylla, u Conrad K. Sangma chirup wa u Montri ki kaam suwari, u Paul Lyngdoh ynnin ka sngi da saam ki ya ki 4 jait ki Award cha ki 7 ngut ki bru wa chemphang hei chna dur wa i tah dur namo ki Artisans wa ki Craftsmen na kylleiñ ka jylla ha ka Ateliers Meghalaya Awards 2023 wa da pynman ha Courtyard by Marriott, Shillong.

U Conrad da ong u wa ka Ateliers Meghalaya Project toh wow kyrchaan ya kini ki bru ha jylla Meghalaya wei ya kani ka Project da sdang ha u 2021 deiwa kyrchaan ya ki wei wow pynku ya i khayi yong ki.

Da ong u wa nadooh u 2021, ka sorkar jylla da kyrchaan ko ya ki 23 ngut da ka poisa wa T. 5 lak samen. 

Da ong u wa ka thong man ko wow pynyatoh lok ya kini ki bru em sap wei kammon ki thaw kreh yong ki u yatoh ki wa ki kaam uiñke suwari kamjooh kiwa khayi kawa sariem wa ki mar wa dai da ka Meghalayan Age Store kawa em katni Online, wei daw ye u dai ya ki mar wa chna ki.

Related posts

Dang jan u lai na Shillong cha Vietnam, Thailand, Laos, Cambodia wa Burma bar cha Delhi: Conrad

November 14, 2024

Pynbna ka VPP ya ki kyrtong MDC ha ka JHADC wa KHADC

November 13, 2024

Da ong u wa ka sorkar daw pyntikna ko wa em ka rynsaan wow ye ki u dai ya ki mar yong ki wei kamjooh wow pynyoo rong ya ki cha ka pyrthai.  

Heijooh i por da ong u wa da chynna yei kylla wei katni dang man i khmut donhi u loomthah wei manda sdang pura daw ye u  sñiawthooh ya ki myntoi wa yoh na ki.