Da pynkylla ya ka aiñ heiyatoh wa i tih mar poh-khyndaw

Shillong: Ka sorkar jylla ynnin ka sngi da pynkylla ko ya ka Meghalaya Minor Mineral Concession Rules, 2016 ha ka yalang ki montri.

U symbood montri rangbah u Prestone Tynsong da pyntip u wa da e bor ya ki Divisional Forest Officer (Territorial) wow e ya ki Non-forest Certificates ha ki thaw tih mar poh-khyndaw kiwa heh wa duna ya 5 Hectare.

Nachwa ya kani ka Non forest Certificates da e da u Principal Chief Conservator of Forest wei man ko leh kawa chimpor u yoh.

U Prestone Tynsong da ong u wa ki tre jylla (Tribal) ym emkaam ki wow yoh No Objection Certificates (NOCs) na ki Autonomous District Councils yow yaleh Mining Lease wa ki Quarry Permit.

Related posts

Ki paidbah pynbor ki ya kiwa mihkhmat wow wan cha ki yalang tangwa chah khñium won lada pynemkaam Siren: Paul

November 18, 2024

Dam noh ka NPP wow kyrchaan ya ka sorkar ka Manipur wa yahkhmat da ka BJP

November 17, 2024

“Tangwa ya ki wym toh ki Tribal namo ki Non-tribal, Companies ki Societies emkaam ki wow yoh NOC na ki District Council,” da ong u Tynsong.

Da pyntip u leh wa kattu ya ki Mining Plan u Mining Engineer namo u Divisional Mining Officer ka Directorate of Mineral Resources da e bor ya ki wow mynjur ya ki Mining Plan. Nachwa ya ki Mining Plan toh u mynjur da u Director of Mineral Resources.

Yow yaleh Lease næ Permit emkaam du ya ka Self Declaration Form.

Ka sorkar da mynjur ko leh wow pynku ya ka Royalty ki Minor Mineral kam u chyiap (Ordinary Sand) da pynku na T. 90 per cubic metre cha T. 110 per cubic metre. Ya u moochuni da pynku na T. 80 per metric ton cha T. 100 per metric ton.

Ya u moo slait (Slate) da pynku na T. 45 cha T. 100 per metric ton.

Ya u moo Shale da pynku na T. 60 per metric ton cha T. 100 per metric ton.

Ya u moo Quartz na T. 55 per metric ton cha T. 100 per metric ton, Clay na T. 40 per metric ton cha T. 100 per metric ton katwa ya u Gypsum na T. 40 per metric ton cha T. 100 per metric ton.