Jowai: U Deputy Commissioner (Supply), West Jaiñtia Hills da pyntip u wa ya u khoo rachon AAY, NFSA (PHH) wa Non-NFSA neibynta u bnai April, 2020 da pynlait ha waroh ki Wholesaler yow li saam cha waroh ki dukan rachon namo ki Fair Price Shop nadooh ka 2nd April hadooh 9th April 2020 hapoh ka District.
Ya u khoo Antyodaya Anna Yojna (AAY) daw saam 35 Kg kawi ka AAY Card heidor Rs. 3 chi kilo ha ki thaw wa em cha sor wa cha palat sor.
Ya u khoo Priority House Hold (PHH) u saam 5 kg chi khlieh chi bnai heidor Rs. 3 chi kilo neibynta ki thaw wa em cha sor wa cha palat sor.
Ya u khoo Non-NFSA u saam 7.215 Kg kawi ka manyung heidor wa booh daka Vigilance Committee i wym toh u palat Rs. 13 chi kilo neibynta ki thaw wa em cha sor wa cha palat sor.
Discussion about this post