Kam chibynta wow pynsñiawthooh paidbah chaphang u khñiang kjut COVID-19, yei rukom poor u wei kammon wow yada na oo, u SP ka West Jaiñtia Hills u L. Syiem da pyntip u wa ki Para Legal Volunteers ka West Jaiñtia Hills District da tyrwa ki wow man leh kam ki Health Volunteers yow yarap leh yaki paidbah wow yoh ki yaki laad yarap ka sorkar (Welfare Scheme) kiwa da sdang neibynta kiwa emkaam.
Ka District Legal Service Authority da yoh yutip ko naki Para Legal Volunteers yei emkaam wow pynman yaka pynsñiawthooh paidbah deiwa saam da ki Pamphlets waki Posters. Da pyntip leh wa da ktah ko yei pyrkhat pyrdaiñ ki paidbah na ki daw wa boon.
Heiyatoh wa ini, ka District Legal Services Authority, West Jaiñtia Hills District deiwa yakrehlang waka West Jaiñtia Hills District Executive Force, da chna ki daka Mobile Legal Aid Clinic wa kyntup yaki Volunteer Counsellor, ki Health Supervisor waki Para Legal Volunteers.
Kini daw lai ki cha kiwa boon ki thaw yow saam Poster kamjooh yow e yaka syllok yaki Volunteer kiwa ha kini ki por khia bha ka yukit ki kiwa e yei yarap cha kiwa boon ki thaw.
Ka Mobile Legal Aid Clinic kynthup ko ya:
U Donbok Rani – Para Legal Volunteer
U Rimius Sten – Para Legal Volunteer
Ka Renibeth Patlong – Health Supervisor
Ka Lambha Patlong – Health Supervisor
U Super Mon H Pasweth – Health Supervisor
Ka Mayfereen Ryntathiang – Volunteer Counsellor
Discussion about this post