15 25.4396136 92.1960997 1 0 4000 1 https://wyrta.com 300 0
theme-sticky-logo-alt
theme-logo-alt

Da pynman ya ka esikai cha ki warep heiyatoh wa i ri mrad

0 Comments

Jowai: Ynne ka sngi da pynman ya ka “Workshop on promotion of livestock rearing under Dairy Entrepreneurship Development (DED) Scheme and National Livestock Mission (NLM)” kawa pynman lang ka DRDA, District Basin Development Unit, Jowai waka NABARD, Jowai ha Conference Hall, DC, Jowai.

Da emlang kamwa 90 ngut ki warep kiwa da em pyrtuid ha ki Facilitation Centers ka District Basin Development kiwa da wan chimbynta ha kani ka Workshop.

U D.M. Wallang, Additional Deputy Commissioner uwa man leh heijooh i por u Vice Chairperson ka District Basin Development Unit, Jowai da emlang u wei da kyntu ya ki Bank wow man kiwa sñiawthooh yeiwa emkaam ki warep manda e yarap ya ki khamtam kitu kiwa da krehchitom wow pyndep ya kiwa boonjait ki e sikai na ki Scheme sorkar waphær waphær wei em naki kat wow thooh yarap na ki Bank boi ym pu tip bha ki.

U G.N. Kharluki, District Development Manager ka NABARD lyngba ka PowerPoint Presentation da khana u ya ki thong ka NABARD wow yarap ya ki paidbah wow ye ki u seiñ khih wei em leh ki yarap wa e cha ki warep kam ki Subsidy wei da kyntu u ya ki warep wow wan ki cha ki Bank yow yoh yutip ki wa rap bniah.

Ha chwa ini u I.R. Marbaniang, Assistant District Project Manager, District Basin Development Unit, Jowai ha ki ktien wai phang yong oo da ong u wa da pynman ya kani ka Workshop yow pynman ya ki warep kiwa da lai cha khmat yow sñiawthooh ki ya ki ar tylli ki Scheme sorkar wa kynthup ya ka National Scheme Dairy Entrepreneurship Development (DED) waka National Livestock Mission (NLM).

Da klam u leh yei myntoi wa ye u yoh na ki Bank ya waroh ki mrad wa ri wei hadien wa kut kani ka Workshop daw tip ki wa kammon wow lai cha ki Bank wow paan yarap wei da pynchlur u leh wa hawa ri mrad toh u ri ym du yeiwa pynemkaam yong samen toh u pyrkhat leh u ri hadooh wow yoh u dai yow pynku ya i yoh nong yong ki.

Share this:
Previous

Da pynman ya i pynkhooid ya ka Syntuksiar ynne ka sngi

Next

Phah pyndong ka KHADC ya ka aiñ chong kurim wow pynmiat chooh chooh ya ka