Ka 2nd U Adelbert Laloo Memorial Trophy kawa man leh ka 3rd Division Football Tournament ka WJDSA da pteiñ biang ya ka ynne ka sngi da ki le tylli ki yalehke.
Ha ka yalehke wa nyngkong, ka Pateinki Sabah da jop ko ya ka Khliehmyntdu Neinchnong da 2-0 lyngba ki kool wa thap u Lakhon Dkhar ha ka minit wa 18 wa u Trei Shylla haka minit wa 41.
Ka yalehke wa ar da kut ko da 2-2 hapyrdi ka Saindur Mihmyntdu waka Khliehmuchut Shangpung.
Ya ka Khliehmuchut Shangpung da thap kool da u Arwan Phadong haka minit wa 48 wa u Elizer Suiam haka minit wa 77. Katwa ya ka Saindur Mihmyntdu da thap kool da u Damon Rymbai haka minit wa 74 wa u Azariah Lamare haka minit wa 76.
Ha ka yalehke wa khaddooh, ka Mawsiang FC Nongkhroh da jop ko ya ka Iong I Dahi FC da 4-3.
Ya ka Mawsiang FC Nongkhroh da thap da u Pyndapbiang Myrboh haka minit wa 5, u Desiders Pyrtuh haka minit wa 18 wa u Rio Myrboh haka minit wa 45 wa 79.
Ya ka Iong I Dahi FC da thap da u Confirm Sana haka minit wa 55, u Stingbha Dkhar haka minit wa 67 wa u Denis Lyngdoh haka minit wa 75.
Mynstep ka 19 tarik leh daw em biang le tylli ki yalehke kiwa daw sdang da ka Iooksi Youth Welfare waka Pasyih & Sports Club heipor 11:00 waje i step, ka Mookynphad Mihmyntdu waka Rising Mukhla heipor 1:00 waje i sngi wei daw pynkut daka Mukhla Umlansgshor waka Nonglatem heipor 3:00 waje i sngi.
