15 49.0138 8.38624 1 0 4000 1 https://wyrta.com 300 0
Advertisement ad1

Da pynman yaka yalang paidbah ha Madankynsaw Mowkyndeng yow pynsñiawthooh ya ki Scheme sorkar

0 Comments

Jowai: Ka yalang paidbah kawa chi sngi kawa tip kam ka Special Interactive Programme da pynman da ka yung krehkaam u Assistant Director, Information & Public Relations, West Jaiñtia Hills District ynne ka sngi ha Madankynsaw, Mowkyndeng hakhmat ka Babu Cyril Community Hall kawa em hapoh ka Laskein C&RD Block heiwa u MDC ka thaaiñ u Robinus Syngkon da man u kam u kongsan.

Yaka yalang da pynlai da u Danny Shadap, waheh chnong ka Dorbar Chnong Madankynsaw Mowkyndeng.

U kongsan hawa e u yei klam da yaroh u yei kreh chitom ki chnat sorkar yow pynku yaka imlang sahlang, yaka District waka jylla hi waroh kawi. Da pynchlur u leh ya ki paidbah wow chimbynta wei wow chim kabu ya kani kabu ksiar deiwa kylli na ki sahep sorkar wa em ha kani ka sngi yow yow yoh ki yei che ya waroh iwa ym em che ki. Da e buit u leh ya ki Self Help Group wow ya krehlang ki para ki yow ye ki u ku u roi. 

U R. Muksor, Assistant Director, Information and Public Relations, West Jaiñtia Hills District ha ki ktien wai phang yong oo da pyntip u wa ka thong wow pynman ya kani ka yalang toh yow pynyajan ya ki chnat sorkar wa ki paidbah yow pynsñiawthooh ya ki ya kiwa boon ki Scheme kiwa pynkreh da ki chnat sorkar.

Ki bru wa chemphang kiwa klam ha kani ka sngi chaphang ki Scheme sorkar waphær waphær toh u K. Lyngdoh, JE, PHE (Rural Water Supply), Jowai, u P. Suja, Functional Manager, District, Commerce & Industrial Centre, Jowai, u Dr. R.S. Manner, Animal Husbandry & Veterinary Officer, Shangpung, Veterinary Dispensary, u B. Sana, Forester, Divisional Forestry Officer, u Dr. D. Pasweth, Senior Scientist wa man leh u khlieh ka KVK, Jaintia Hills kiwa da e ye batai ya ki jait Scheme wa pynkrehkaam da ki chnat yong ki. 

Ka J. Blah, Incoming Communication Officer, i-Teams 1917 (Marketing Agriculture) Jowai da klam ko chaphang i krehkaam ka 1917iTEAM (Integrated Technology Enabled Agri Management System) wei da ong ko leh yeiwa emkaam ya ki warep wow thap pyrtuid (Register) ki wei wow pynemkaam leh ya u Toll Free Number lada emkaam ki wow tip chaphang i chah baam khniang ki jhoor wa rep ki, i kit ya ki mar wa kiwi kiwa yatoh waka ka rep ka riang.

Hadien ini da em ka bynta heiwa ki paidbah da yoh ki wow kylli ya iwa ym em sñiawthooh ki.

0 Comments

Leave a Reply